شہر لاہور کا موسم، صاف آسمان کا امکان، فضائی آلودگی میں لاہور دنیا بھر میں پہلے نمبر پر
(مائرہ ارجمند) آج بدھ ہے ستمبر کی 28 تاریخ عیسوی سال 2022، ربیع الاول کی 1 اور قمری سال 1444 جبکہ 14 اسو اور دیسی کیلینڈر کا 2079 واں سال ہے۔
ملک کے بیشترعلاقوں میں موسم خشک جبکہ وسطی و جنوبی علاقوں میں گرم رہے گا۔تاہم خطہ پوٹھوہار ،شمال مشرقی پنجاب،بالائی خیبر پختو نخوا،کشمیراورگلگت بلتستان میں چند مقا مات پر تیز ہواؤں اورگرج چمک کے ساتھ بارش کا امکان۔
آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے دنیا بھر میں پہلے نمبر پر ہے۔
ڈی ایچ اے فیض 5 کا علاقہ 187 اے کیو آئی کے ساتھ پہلے جبکہ انارکلی بازار کا علاقہ 182 اے کیو آئی کیساتھ دوسرا آلودہ ترین علاقہ ہے ۔ گلبرگ کی سید مراتب علی روڈ کا علاقہ 181 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور میں آسمان صاف رہنے کا امکان۔ ہوا میں نمی کا تناسب 81 فیصد تک ہو چکا ہے ۔ آج زیادہ سے زیادہ درجہ حرارت 33 سینٹی گریڈ اور کم سے کم 27 ڈگریڈ رہنے کا امکان ہے۔
