شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں نویں نمبر پر

(اسیس علی) آج جمعہ ہے اپریل کی 29 تاریخ عیسوی سال 2023، شوال کی 08 اور قمری سال 1444 جبکہ 16 ویساکھ اور دیسی کیلینڈر کا 2080 واں سال ہے۔

شمال مشرقی/جنوبی بلوچستان، سندھ ، وسطی/جنوبی پنجاب، کشمیر اورملحقہ پہاڑی علاقوں میں تیز ہواؤں/آندھی اور گرج چمک کے ساتھ بارش کا امکان ہے۔ اس دوران شمال مشرقی بلوچستان میں چند مقامات پر موسلا دھار بارش / ژالہ باری کی بھی توقع۔

آلودگی کی بات کی جائے تو حالات بہتر ہیں لیکن ہوا اب بھی حساس لوگوں کے لیے غیر صحت بخش ہے اور آج لاہور دنیا بھر کے شہروں میں آلودگی کے اعتبار سے نویں نمبر پر ہے۔

سید مراتیب علی روڈ کا علاقہ 169 اے کیو آئی کے ساتھ پہلے نمبر پر، اپر مال سکیم کا علاقہ 165 اے کیو آئی کیساتھ دوسرا آلودہ ترین علاقہ ہے۔ گڑھی شاہو کا علاقہ 160 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آمسان ابر آلود رہنے کا امکان ہے۔ ہوا میں نمی کا تناسب 31 فیصد تک ہو چکا ہے ۔ آج زیادہ سے زیادہ درجہ حرارت 35 سینٹی گریڈ اور کم سے کم 22 ڈگریڈ رہنے کا امکان ہے۔