شہر لاہور کا موسم، بارش کا امکان، فضائی آلودگی میں لاہور دنیا بھر میں تیسرے نمبر پر

(اسیس علی) آج اتوار ہے جنوری کی 29 تاریخ عیسوی سال 2023، رجب کی 06 اور قمری سال 1444 جبکہ 16 ماگھ اور دیسی کیلینڈر کا 2079 واں سال ہے۔

ملک کے بیشتر علاقوں میں موسم سرد اور خشک رہے گا۔ جبکہ بالائی علاقوں ، شمالی بلوچستان،کشمیر اور گلگت بلتستان میں موسم شدید سرد رہے گا۔ پنجاب کے بعض میدانی علاقوں میں دھند کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے تیسرے نمبر پر ہے۔

کوٹ لکھپت اور قائداعظم انڈسٹریل اسٹیٹ کا علاقہ 324 اے کیو آئی کے ساتھ پہلے نمبر پر، گڑھی شاہو کا علاقہ 294 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 8 کا علاقہ 284 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں شام 4 بجے تک آسمان ابر آلود رہنے کا امکان ہے جس کے بعد رات بھر بارش رہنے کا امکان ہے۔ ہوا میں نمی کا تناسب 77 فیصد تک ہو چکا ہے ۔ آج زیادہ سے زیادہ درجہ حرارت 21 سینٹی گریڈ اور کم سے کم 12 ڈگریڈ رہنے کا امکان ہے۔