شہر لاہور کا موسم،آسمان ابرآلود اور کئی علاقوں میں آج پھر بادل برسنے کا امکان، ہوائی آلودگی میں لاہور دوسرے نمبر پر
(مائرہ ارجمند) آج جمعہ ہے جولائی کی 29 تاریخ عیسوی سال 2022، ذوالحج کی 29 اور قمری سال 1443 جبکہ 14 ساون اور دیسی کیلینڈر کا 2079 واں سال ہے۔
جمعہ کےروز:بالائی/وسطی پنجاب،اسلام آباد،خیبرپختونخوا، شمالی ومشرقی بلوچستان،کشمیر اورگلگت بلتستان میں تیز ہواؤں اور گرج چمک کے ساتھ مزید بارش کا امکان۔ اس دوران کشمیر، بالائی پنجاب ،اسلام آباد، بالائی خیبر پختونخوا اور شمال مشرقی بلوچستان میں چند مقا مات پر موسلادھار بارش متوقع ۔
آلودگی کی بات کی جائے تو صورتحال بدتر ہے اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔
لاہور کا مجموعی اے کیو آئی یعنی ائیر کوالٹی انڈیکس 124 ہے ۔
لاہور میں شاہدرہ کا علاقہ 166 اے کیو آئی کے ساتھ پہلے جبکہ ڈی ایچ اے فیز 5 اور گردونواح 161 اے کیو آئی کیساتھ دوسرا آلودہ ترین علاقہ ہے ۔ گلبرگ 2 کا علاقہ 158 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور کا آسمان ابرآلود اور کئی علاقوں میں بادل برسنے کا امکان۔ ہوا میں نمی کا تناسب 84 فیصد تک ہو چکا ہے ۔ آج زیادہ سے زیادہ درجہ حرارت 29 ڈگری سینٹی گریٖڈ اور کم سے کم 27 ڈگری رہنے کا امکان ہے۔
