شہر لاہور کا موسم، دوپہر کے بعد آسمان صاف رہنے کا امکان، فضائی آلودگی میں لاہور دنیا بھر میں گیارہویں نمبر پر

(اسیس علی) آج جمعہ ہے دسمبر کی 30 تاریخ عیسوی سال 2022، جمادی الثانی کی 06 اور قمری سال 1444 جبکہ 16 پوہ اور دیسی کیلینڈر کا 2079 واں سال ہے۔

ملک کے بیشتر علاقوں میں موسم سرد اور خشک جبکہ بالائی علاقوں میں مطلع جزوی ابر آلود رہنے کے علاوہ گلگت بلتستان ، کشمیر اور گردو نواح میں مزیدبارش/برفباری ۔پنجاب، خیبر پختونخوا،بالائی سندھ کے میدانی علاقوں میں شدید دھند پڑنے کی توقع۔

آلودگی کی بات کی جائے تو حالات برے ہیں اور آج لاہور دنیا بھر کے شہروں میں آلودگی کے اعتبار سے گیارہویں نمبر پر ہے۔

آصف ٹاؤن کا علاقہ 287 اے کیو آئی کے ساتھ پہلے، ڈی ایچ اے فیز 8 کا علاقہ 285 اے کیو آئی کیساتھ دوسرا آلودہ ترین علاقہ ہے۔ کوٹ لکھپت اور قائد اعظم انڈسٹریل اسٹیٹ کا علاقہ 241 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں دوپہر کے بعد آسمان صاف رہنے کا امکان۔ ہوا میں نمی کا تناسب 92 فیصد تک ہو چکا ہے ۔ آج زیادہ سے زیادہ درجہ حرارت 17 سینٹی گریڈ اور کم سے کم 7 ڈگریڈ رہنے کا امکان ہے۔