شہر لاہور کا موسم، بارش کا امکان، فضائی آلودگی میں لاہور دنیا بھر میں چودھویں نمبر پر

(اسیس علی) آج پیر ہے جنوری کی 30 تاریخ عیسوی سال 2023، رجب کی 07 اور قمری سال 1444 جبکہ 17 ماگھ اور دیسی کیلینڈر کا 2079 واں سال ہے۔

اسلام آباد، خطۂ پوٹھو ہار، خیبر پختونخواہ، کشمیر، گلگت بلتستان اوربالائی پنجاب میں تیز ہواؤں اور گرج چمک کے ساتھ بارش اور پہاڑوں پربرفباری۔ اس دوران پہاڑی علاقوں میں درمیانی سے شدیدبرفباری متوقع۔جبکہ بالائی علاقوں میں صبح کے اوقات میں چندمقامات پر موسلا دھار بارش بھی ہو سکتی ہے۔

آلودگی کی بات کی جائے تو حالات بہتر ہیں لیکن ہوا اب بھی حساس لوگوں کے لیے غیر صحت بخش ہے اور آج لاہور دنیا بھر کے شہروں میں آلودگی کے اعتبار سے چودھویں نمبر پر ہے۔

کینال بینک ہاؤسنگ سکیم کا علاقہ 311 اے کیو آئی کے ساتھ پہلے نمبر پر، گلبرگ III بلاک کے کا علاقہ 192 اے کیو آئی کیساتھ دوسرا آلودہ ترین علاقہ ہے۔ کوٹ لکھپت اور قائداعظم انڈسٹریل اسٹیٹ کا علاقہ 174 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں شام 5 بجے تک آسمان ابر آلود رہنے کا امکان جس کے بعد 5 سے 8 یک بارش رہنے کا امکان ہے۔ ہوا میں نمی کا تناسب 87 فیصد تک ہو چکا ہے ۔ آج زیادہ سے زیادہ درجہ حرارت 17 سینٹی گریڈ اور کم سے کم 08 ڈگریڈ رہنے کا امکان ہے۔