شہر لاہور کا موسم،آج بھی آسمان ابرآلود اور کئی علاقوں میں بادل برسنے کا امکان، ہوائی آلودگی میں لاہور پہلے نمبر پر

(مائرہ ارجمند) آج ہفتہ ہے جولائی کی 30 تاریخ عیسوی سال 2022، ذوالحج کی 30 اور قمری سال 1443 جبکہ 15 ساون اور دیسی کیلینڈر کا 2079 واں سال ہے۔

پنجاب،اسلام آباد،خیبرپختونخوا، شمالی و مشرقی بلوچستان،کشمیراورگلگت بلتستان میں تیزہواؤں اور گرج چمک کے ساتھ مزید بارش کا امکان۔ اس دوران کشمیر، بالائی پنجاب ،اسلام آباد، بالائی خیبرپختونخوا اورمشرقی بلوچستان میں چند مقا مات پر موسلادھار بارش متوقع ۔

آلودگی کی بات کی جائے تو صورتحال بدتر ہے اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

لاہور کا مجموعی اے کیو آئی یعنی ائیر کوالٹی انڈیکس 152 ہے ۔

لاہور میں گلبرگ کی سید مراتب علی روڈ 178 اے کیو آئی کے ساتھ پہلے جبکہ گلبرگ 2 اور گردونواح 165 اے کیو آئی کیساتھ دوسرا آلودہ ترین علاقہ ہے ۔ اپر مال کا علاقہ 162 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور کا آج بھی آسمان ابرآلود اور کئی علاقوں میں بادل برسنے کا امکان۔ ہوا میں نمی کا تناسب 78 فیصد تک ہو چکا ہے ۔ آج زیادہ سے زیادہ درجہ حرارت 30 ڈگری سینٹی گریٖڈ اور کم سے کم 27 ڈگری رہنے کا امکان ہے۔