شہر لاہور کا موسم، بارش کا امکان، فضائی آلودگی میں لاہور دنیا بھر میں چھٹے نمبر پر

(اسیس علی) آج جمعرات ہے مارچ کی 30 تاریخ عیسوی سال 2023، رمضان کی 08 اور قمری سال 1444 جبکہ 17 چیت اور دیسی کیلینڈر کا 2080 واں سال ہے۔

خیبر پختونخوا، پنجاب ، کشمیر، اسلام ا ٓباد، شمال مشرقی بلوچستان اور زیریں سندھ میں تیز ہواؤں اورگرج چمک کے ساتھ بارش کا امکان۔ اس دوران چند مقامات پر ژالہ باری اور بالائی علاقوں میں پہاڑوں پر برفباری کا امکان۔ خیبر پختونخوا اور شمال مشرقی بلوچستان میں چند مقامات پرموسلادھار بارش متوقع۔

آلودگی کی بات کی جائے تو حالات بہرتر ہیں لیکن ہوا اب بھی غیر صحت بخش ہے اور آج لاہور دنیا بھر کے شہروں میں آلودگی کے اعتبار سے چھٹے نمبر پر ہے۔

سید مراتیب علی روڈ کا علاقہ 231 اے کیو آئی کے ساتھ پہلے نمبر پر، ڈی ایچ اے فیز 8 آئیوی گرین کا علاقہ 210 اے کیو آئی کیساتھ دوسرا آلودہ ترین علاقہ ہے۔ گڑھی شاہو کا علاقہ 185 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان اور شام 6 بجے سے کل پورا دن بارش رہنے کا امکان ہے۔ ہوا میں نمی کا تناسب 72 فیصد تک ہو چکا ہے ۔ آج زیادہ سے زیادہ درجہ حرارت 27 سینٹی گریڈ اور کم سے کم 17 ڈگریڈ رہنے کا امکان ہے۔