شہر لاہور کا موسم، دوپہر کے بعد آسمان صاف رہنے کا امکان، فضائی آلودگی میں لاہور دنیا بھر میں پہلے نمبر پر

(اسیس علی) آج بدھ ہے نومبر کی 30 تاریخ عیسوی سال 2022، جمادی الاول کی 05 اور قمری سال 1444 جبکہ 16 مگھر اور دیسی کیلینڈر کا 2079 واں سال ہے۔

ملک کے بیشتر علاقوں میں موسم سرد اور خشک رہے گا۔ تاہم پنجاب کے میدانی علاقوں میں رات اور صبح کے اوقات میں دھند پڑنےکی توقع۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

کینال بینک ہاؤسنگ سکیم کا علاقہ 688 اے کیو آئی کے ساتھ پہلے جبکہ فدا حسین ہاؤس کا علاقہ 668 اے کیو آئی کیساتھ دوسرا آلودہ ترین علاقہ ہے۔ لاہور امریکن سکول کا علاقہ 592 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں دوپہر سے پہلے آسمان ابر آلود اور دوپہر کے بعد آسمان صاف رہنے کا امکان۔ ہوا میں نمی کا تناسب 83 فیصد تک ہو چکا ہے ۔ آج زیادہ سے زیادہ درجہ حرارت 25 سینٹی گریڈ اور کم سے کم 10 ڈگریڈ رہنے کا امکان ہے۔