شہر لاہور کا موسم، آسمان صاف اور دھوپ رہنے امکان، فضائی آلودگی میں لاہور دنیا بھر میں تیسرے نمبر پر

(مائرہ ارجمند) آج جمعہ ہے ستمبر کی 30 تاریخ عیسوی سال 2022، ربیع الاول کی 3 اور قمری سال 1444 جبکہ 16 اسو اور دیسی کیلینڈر کا 2079 واں سال ہے۔

ملک کے بیشترعلاقوں میں موسم خشک جبکہ وسطی و جنوبی علاقوں میں گرم رہے گا۔ تاہم بالائی خیبر پختو نخوا،کشمیر اور گلگت بلتستان میں بعض مقامات پر شام/رات کے اوقات میں تیز ہواؤں اور گرج چمک کے ساتھ ہلکی بارش کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے دنیا بھر میں تیسرے نمبر پر ہے۔

پنجاب یونیورسٹی کا علاقہ 206 اے کیو آئی کے ساتھ پہلے جبکہ ڈی ایچ اے فیض 5 کا علاقہ 181 اے کیو آئی کیساتھ دوسرا آلودہ ترین علاقہ ہے ۔ شاہدرہ کا علاقہ 177 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور موسم گرم اور آسمان صاف رہنے کا امکان۔ ہوا میں نمی کا تناسب 56 فیصد تک ہو چکا ہے ۔ آج زیادہ سے زیادہ درجہ حرارت 34 سینٹی گریڈ اور کم سے کم 27 ڈگریڈ رہنے کا امکان ہے۔