شہر لاہور کا موسم، آسمان صاف اور موسم گرم رہنے کا امکان، ہوائی آلودگی میں لاہور تیسرے نمبر پر

(مائرہ ارجمند) آج بدھ ہے اگست کی 31 تاریخ عیسوی سال 2022، سفر کی 04 اور قمری سال 1444 جبکہ 15 بھادوں اور دیسی کیلینڈر کا 2079 واں سال ہے۔

ملک کے بیشتر میدانی علاقوں میں موسم گرم اور مرطوب رہے گا۔ تاہم شمال مشرقی پنجاب، با لائی خیبرپختونخوا ، گلگت بلتستان، کشمیر میں چند مقا مات پر تیزہواؤں اور گرج چمک کے ساتھ بارش ہو سکتی ہے ۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے تیسرے نمبر پر ہے۔

شاہدرہ کا علاقہ 203 اے کیو آئی کے ساتھ پہلے جبکہ اپر مال کا علاقہ 176 اے کیو آئی کیساتھ دوسرا آلودہ ترین علاقہ ہے ۔ گلبرگ کی سید مراتب علی روڈ کا علاقہ 169 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف رہنے کا امکان۔ ہوا میں نمی کا تناسب 82 فیصد تک ہو چکا ہے ۔ آج زیادہ سے زیادہ درجہ حرارت 36 سینٹی گریڈ اور کم سے کم 28 ڈگریڈ رہنے کا امکان ہے۔