شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں گیارہویں نمبر پر

(اسیس علی) آج ہفتہ ہے دسمبر کی 31 تاریخ عیسوی سال 2022، جمادی الثانی کی 07 اور قمری سال 1444 جبکہ 17 پوہ اور دیسی کیلینڈر کا 2079 واں سال ہے۔

ملک کے بیشتر علاقوں میں موسم سرد اور خشک جبکہ بالائی علاقوں میں اور شمالی بلوچستان میں شدید سرد ر ہے گا۔ پنجاب، خیبر پختونخوا،بالائی سندھ کے میدانی علا قوں میں شدید دھند پڑنے کی توقع۔ خطۂ پوٹھوہار میں کہرا پڑنے کا امکان ہے۔

آلودگی کی بات کی جائے تو حالات برے ہیں اور آج لاہور دنیا بھر کے شہروں میں آلودگی کے اعتبار سے ساتویں نمبر پر ہے۔

گڑھی شاہو کا علاقہ 236 اے کیو آئی کے ساتھ پہلے، ڈی ایچ اے فیز 8 کا علاقہ 230 اے کیو آئی کیساتھ دوسرا آلودہ ترین علاقہ ہے۔ گلبرگ 2 بلاک کے کا علاقہ 215 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف رہنے کا امکان۔ ہوا میں نمی کا تناسب 73 فیصد تک ہو چکا ہے ۔ آج زیادہ سے زیادہ درجہ حرارت 18 سینٹی گریڈ اور کم سے کم 5 ڈگریڈ رہنے کا امکان ہے۔