(اسیس علی) آج جمعہ ہے مارچ کی 31 تاریخ عیسوی سال 2023، رمضان کی 09 اور قمری سال 1444 جبکہ 18 چیت اور دیسی کیلینڈر کا 2080 واں سال ہے۔
خیبرپختونخوا، بالائی/وسطی پنجاب، کشمیر، اسلام ا ٓباد اور شمال مشرقی بلوچستان میں تیز ہواؤں اورگرج چمک کے ساتھ بارش کا امکان۔ بالائی خیبرپختونخوا، کشمیراورملحقہ پہاڑی علاقوں میں چند مقامات پرموسلادھاربارش/ژالہ باری متوقع۔
آلودگی کی بات کی جائے تو حالات بہرتر ہیں لیکن ہوا اب بھی حساس لوگوں کے لیے غیر صحت بخش ہے اور آج لاہور دنیا بھر کے شہروں میں آلودگی کے اعتبار سے تیرھویں نمبر پر ہے۔
وینس ہاؤسنگ سکیم کا علاقہ 181 اے کیو آئی کے ساتھ پہلے نمبر پر، سید مراتیب علی روڈ کا علاقہ 154 اے کیو آئی کیساتھ دوسرا آلودہ ترین علاقہ ہے۔ گلبرگ 2 بلاک پی کا علاقہ 153 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور میں کل تک تیز بارش رہنے کا امکان ہے۔ ہوا میں نمی کا تناسب 68 فیصد تک ہو چکا ہے ۔ آج زیادہ سے زیادہ درجہ حرارت 22 سینٹی گریڈ اور کم سے کم 16 ڈگریڈ رہنے کا امکان ہے۔
