(مائرہ ارجمند) آج سوموار ہے جون کی 13 تاریخ عیسوی سال 2022،13 ذی القعدہ اور قمری سال 1443 جبکہ 30 جیٹھ اور دیسی کیلینڈر کا 2079 واں سال ہے۔
لاہور میں پری مون سون کالی گھٹائیں لے آیا ہے اور آج پھر بادل برسیں گے ۔ محکمہ موسمیات کے مطابق پری مون سون بارش کا سلسلہ ملک میں آج داخل ہو چکا ہے اور جون کے وسط سے پری مون سون کی شدید بارشیں ہوں گی جسکے فورا بعد مون سون بارشیں شروع ہو جائینگی ۔
آلودگی کی بات کی جائے تو شہر میں آلودگی کی مجموعی صورتحال بہت بہتر ہے اورآج لاہور عالمی سطح پر آلودہ ترین شہروں کی فہرست میں 29 ویں نمبر پر ہے.
لاہور کا مجموعی ائیر کوالٹی انڈیکس 59 ہے۔
لاہور میں شاہدرہ ٹاون اور اسکے گرد و نواح 167 اے کیو آئی کیساتھ پہلے ، کوٹ لکھپت اور قائد اعظم انڈسٹریل سٹیٹ 160 کیساتھ دوسرے جبکہ امریکی قونصل خانہ اور شملہ پہاڑی کا علاقہ 141 اے کیو آئی کیساتھ تیسرے نمبرپر ہے۔
محکمہ موسمیات کے مطابق آنے والے 24 گھنٹوں کے دوران لاہور میں بارش کی پیش گوئی کی ہے شہر کا زیادہ سے زیادہ درجہ حرارت 45 ڈگری سینٹی گریڈ اور کم سے کم 29 رہنے کا امکان ہے ۔ ہوا میں نمی کا تناسب51 فیصد رہے گا۔
