(مائرہ ارجمند) آج اتوار ہے جولائی کی 24 تاریخ عیسوی سال 2022، ذوالحج کی 24 اور قمری سال 1443 جبکہ 09 ساون اور دیسی کیلینڈر کا 2079 واں سال ہے۔
سندھ، بلوچستان، پنجاب، اسلام آباد، خیبرپختونخوا، کشمیر اورگلگت بلتستان میں تیز ہواؤں اور گرج چمک کے ساتھ مزید بارش کا امکان۔ سندھ میں شدید مو سلا دھار بارش جبکہ مشرقی بلوچستان ،جنوبی پنجاب اور زیریں خیبر پختونخوا میں کہیں کہیں موسلادھار بارش ۔
آلودگی کی بات کی جائے تو صورتحال بہتر ہے اور آج لاہور دنیا بھر کے شہروں میں آلودگی کے اعتبار سے بیسویں نمبر پر ہے۔
لاہور کا مجموعی اے کیو آئی یعنی ائیر کوالٹی انڈیکس 77 ہے ۔
لاہور میں کوٹ لکھپت اور قائد اعظم انڈسٹریل اسٹیٹ 185 اے کیو آئی کے ساتھ پہلے جبکہ ٹھوکر نیاز بیگ 157 اے کیو آئی کیساتھ دوسرا آلودہ ترین علاقہ ہے ۔ ایف سی کالج کا علاقہ 146 اے کیو آئی کیساتھ تیسرے نمبر پر ہے ۔
محکمہ موسمیات کے مطابق آنے والے 24 گھنٹوں کے دوران لاہور میں بارش کا امکان اور ہوا میں نمی کا تناسب 67 فیصد تک ہو چکا ہے ۔ آج زیادہ سے زیادہ درجہ حرارت 32 ڈگری سینٹی گریٖڈ اور کم سے کم 27 ڈگری رہنے کا امکان ہے
