شدید گرمی،حبس میں بغیر پانی پئے 3 گھنٹے تک گاتے رہنا کے کے کی موت کی وجہ بن گئی
( مانیٹرنگ ڈیسک ) بغیر پانی پیئے کولکتہ کے ایک کالج میں جہاں ہال تماشائیوں سے کھچا کھچ بھرا تھا کرشن کمار کنناتھ 3 گھنٹے تک مسلسل گاتے رہے ، رش اور گرمی کی وجہسے ہال کا ائیر کندیشن سسٹم کام کرنا چھوڑ گیا۔ تفصیلات کے مطابق کیرالہ کا گزشتہ روز درجہ حرارت 48 ٖڈگری سینٹی گریڈ تھا اور ہال میں حبس اور گرمی کی وجہ سے بہت سے شائقین بھی بے ہوش ہوئے ۔ کے کے 3 گھنٹے تک بغیر پانی پیئے گاتے رہے جس سے انکے جسم میں پانی کی شدید کمی ہو گئی اور وہ ہیٹ سٹروک کا شکار ہو کر دل کے دورے سے چل بسے ۔
وہ اپنے ہوٹل میں سیڑھوں سے گرے اور جانبر نہ ہو سکے۔ رپورٹ کے مطابق53 سالہ گلوکار مبینہ طور پر اس ہوٹل کی سیڑھیوں سے نیچے گر گئے جہاں وہ کولکتہ کے نذرل منچ آڈیٹوریم میں کنسرٹ کے بعد ٹھہرے ہوئے تھے۔ سی ایم آر آئی ہسپتال کے ڈاکٹر نے بتایا کہ گلوکار کو مردہ لایا گیا تھا۔
ذرائع کے مطابق کے کے نے کنسرٹ کے دوران طبیعت ناساز محسوس کی۔ انہوں نے وقفہ کے دوران بے چینی کی شکایت کی لیکن ایونٹ کے اختتام تک پرفارم کیا۔ اس کے بعد، اسے ایسپلانیڈ کے ایک فائیو اسٹار ہوٹل لے جایا گیا، جہاں اس کی طبیعت خراب ہوگئی، اور وہ اسپتال پہنچنے سے پہلے ہی دم توڑ گیا۔ یہ کنسرٹ گروداس کالج کی جانب سے منعقد کیا گیا تھا۔ گلوکار دو روزہ کنسرٹ کے لیے شہر میں تھا۔
کرشن کمار کنناتھ، جن کا اسٹیج کا نام کے کےتھا، ‘پال’ اور ‘یارون’ جیسے گانوں کے لیے جانا جاتا تھا، جو 1990 کی دہائی کے آخر میں نوعمروں کے درمیان بہت زیادہ کامیاب ہوئے، اکثر اسکول اور کالج کی الوداعی اور نوعمر ثقافتی تقریبات کے دوران سننے کو ملتے تھے-
کرشنا کمار کناتھ معروف پلے بیک سنگر تھے اور وہ کے کے کے نام سے جانے جاتے تھے۔ کے کے نے ہندی، تامل، تیلگو، کنڑ، ملیالم، مراٹھی اور بنگالی سمیت دیگر زبانوں میں گانے ریکارڈ کیے ہیں۔ سیاسی رہنماؤں، اداکاروں اور مداحوں نے ٹویٹ کرکے تعزیت کی-
